Editado pola A.C. Obradoiro da História. Ordes, 2003. 114 páxinas. Prólogo de Xosé Neira Vilas.

Sobre este libro, o poeta Manuel María (1929-2004), escribiu o seguinte:

"Realmente soberbio, tanto polo contido como pola forma. No que entendo trátase dun libro moi ben escrito, nun estilo claro, directo, sobrio e elegante nun idioma cheo de equilibrio. Non sabería que relato destacar. O derradeiro… danos un respiro".

A publicación contén sete relatos curtos baseados en historias reais acontecidas polas Terras de Ordes e Mesía despois do fatídico xullo do ano 1936. Morte, represión, medo, cárcere, fame… son palabras que pertencen a unha época onde primou a crueldade sobre a esperanza.

Editado pola A.C. Obradoiro da História. Ordes, 2004. 226 páxinas. Patrocinado polo Concello de Oroso. Coautor: Daniel Pereiro López.

Achegamento á historia do concello de Oroso. 303 fotografías sobre a evolución de Sigüeiro, capital do concello, e das 11 parroquias que o forman. Imaxes do patrimonio artístico e da evolución socioeconómica de cada parroquia.