PUBLICACIÓNS
ASOCIACIÓN CULTURAL
"OBRADOIRO DA HISTÓRIA"
© Manuel Pazos Gómez
Reservados todos os dereitos legais. Ningún contido desta páxina poderá ser reproducido ou modificado sen permiso do propietario.
é-memoria
Páxina persoal de Manuel Pazos Gómez
XORNADA LITERARIA CON XOSÉ NEIRA VILAS
Primeira xornada literaria celebrada na Casa da Cultura de Ordes o día 28 de novembro do ano 1997. Organizada pola A.C. Obradoiro da História e patrocinada por Caixa Vigo, Rafra, Marmoría Siverio e Internaco. Realizouse unha exposición e venda de libros do convidado e de Anisia Miranda, cunha sinatura de obras dos dous escritores. A conferencia de Xosé Neira Vilas versou sobre A Galicia Emigrante e foi presentada por Manuel Pazos Gómez. Clausurou o acto o grupo de música tradicional Ruote. O auditorio da Casa da Cultura encheuse de xente e vendéronse máis dun cento de libros dos autores convidados.
XORNADA LITERARIA CON SUSO DE TORO
Segunda xornada celebrada en Ordes o día 26 de febreiro do ano 1999. Programouse unha exposición e venda de libros do autor, sinatura de exemplares e unha conferencia do convidado titulada Entre a terra e o tempo. As actuacións de Quico Cadabal e do grupo de música tradicional Pandeiromus fecharon unha proveitosa xornada de música e literatura.
